ບັນດານັກຕົວະຍົວະຫຼອກລວງທາງອອນລາຍ ສົ່ງອີເມວ ເປັນພັນພັນສະບັບ ແລະ ໂທລະສັບ ເປັນພັນພັນຄັ້ງ ໃນທຸກໆມື້ – ແລະ ພວກເຂົາ ກໍ່ເຮັດສຳເລັດເລື້ອຍໆ. ມັນມີໂອກາດສູງຫຼາຍ ທີ່ທ່ານຫຼືຄົນໃດໜຶ່ງໃນສະມາຊິກຄອບຄົວຂອງທ່ານ ຈະຖືກຕິດຕໍ່ຫາໂດຍນັກຕົວະຍົວະ ໃນມື້ ໃດ ມື້ໜຶ່ງ, ຖ້າຫາກວ່າພວກທ່ານຍັງ ບໍ່ທັນ ເຄີຍ ຖືກເທື່ອ.
ການຫຼອກລໍ້ອ່ອຍເຍື່ອໃຫ້ຕິດກັບທາງ ອອນລາຍຕ່າງໆ ຫລື ຟິດຊິ່ງ ແມ່ນການ ພະຍາຍາມຕົວະຍົວະໃຫ້ທ່ານເປີດເຜີຍຂໍ້ມູນສ່ວນຕົວ, ເຊັ່ນວ່າ ເລກບັດເຄດິດ, ຂໍ້ມູນທະນາຄານ, ຫຼືລະຫັດຜ່ານຕ່າງໆ.
ມີຫຼາຍວິທີທີ່ຈະເອົາຂໍ້ມູນດັ່ງກ່າວ: ທຳທ່າວ່າມາຈາກບໍລິສັດໃດໜຶ່ງທີ່ມີຊື່ສຽງ, ຫລືວ່າເປັນໝູ່ເພື່ອນ,ເພື່ອນຮ່ວມງານ, ຜ່ານທາງລິ້ງ, ຜ່ານທາງຂໍ້ຄວາມ ທີ່ແຕ່ງ ຂຶ້ນມາເອງ.
ການລັກຂໍ້ມູນບັດລະບຸຕົວຕົນເກີດຂຶ້ນຕອນທີ່ມີຄົນມາລັກເອົາຂໍ້ມູນບັດລະບຸຕົວຕົນຂອງຜູ້ເຄາະຮ້າຍ ເພື່ອ ປອມແປງເປັນບຸກຄົນໃດໜຶ່ງຫຼືລັກ ໂດຍກົງຈາກພວກເຂົາ. ອາຊະຍາກອນທັງຫຼາຍຍັງສາມາດໃຊ້ຂໍ້ມູນບັດລະບຸຕົວຕົນທີ່ຖືກລັກມາເພື່ອກະທຳການສໍ້ໂກງຫຼືອາຊະຍາກຳອື່ນໆເຊັ່ນ: ກູ້ຢືມເງິນ, ລັກເງິນຈາກ ບັນຊີທະນາຄານ, ແລະ/ຫຼື ເຮັດໃຫ້ ຜູ້ເຄາະຮ້າຍຖືກຈັບຍ້ອນອາຊະຍາ ກອນໃຊ້ບັດລະບຸຕົວຕົນທີ່ຖືກລັກມາ.
ຈິນຕະນາການວ່າໄດ້ຮັບໂທລະສັບຈາກບຸກຄົນທີ່ເຊື່ອຖືໄດ້ແຈ້ງໃຫ້ເຈົ້າຮູ້ສະຖານະການທີ່ຫຍຸ້ງຍາກ, ແລະທ່ານຈໍາເປັນຕ້ອງດາວໂຫລດແອັບພລິເຄຊັນເພື່ອແກ້ໄຂບັນຫານີ້.ຕໍ່ໄປ, ທ່ານຖືກລັອກອອກຈາກທຸກອຸປະກອນ ແລະເວທີອອນໄລນ໌ຂອງທ່ານ. ຮ້າຍແຮງທີ່ສຸດ, ທ່ານສູນເສຍເງິນທັງຫມົດຂອງທ່ານ. ທ່ານຈະຮູ້ວ່າຈະເຮັດແນວໃດບໍ?
ການປ້ອງກັນຂໍ້ມູນສ່ວນຕົວ ໃຫ້ບໍ່ມີຄວາມສ່ຽງອາດຈະເປັນໄປບໍ່ໄດ້ເລິຍ ໃນທຸກມື້ນີ້.ເຖິງຢ່າງໃດກໍ່ຕາມ, ມີບາງວິທີແບບງ່າຍໆທີ່ຈະປົກປ້ອງຕົວທ່ານເອງຈາກການກາຍເປັນຜູ້ເຄາະຮ້າຍຂອງການລັກລອບຂໍ້ມູນບັດລະບຸຕົວຕົນ.ການປ້ອງກັນແມ່ນດີກວ່າການປິ່ນປົວ, ແລະການຄຳນຶງເຖິງຄວາມເປັນມາຂອງການຕົວະຍົວະຫຼອກລວງ, ການຫຼອກລໍ້ອ່ອຍເຍື່ອໃຫ້ຕິດກັບທາງອອນລາຍ, ແລະການລັກຂໍ້ມູນບັດລະບຸຕົວຕົນ ກໍ່ເປັນຈຸດເລີ່ມຕົ້ນທີ່ດີ.
